“უარი ვთქვი ანტიდასავლურ რიტორიკაზე, ეს ივანიშვილმა ღალატად ჩათვალა” – ამის შესახებ გიორგი ბაჩიაშვილმა განაცხადა.
მისი თქმით, “ივანიშვილის ულტიმატუმის ვადის ამოწურვის შემდეგ” მან მიიღო ინფორმაცია, რომ ბიძინა ივანისვილი მის ციხესი წამებას აპირებდა, რის გამოც ქვეყანა დატოვა. ამის შემდეგ, ბაჩიაშვილი ყვება, რომ “თავზე მეშოკჩამოკიდებული ჩამოიყვანეს, ვითომ მწვანე ზონაში ნახეს და იზოლატორში მოათავსეს”, რაზეც გამოძიება არ დაწყებულა.
ბაჩიაშვილი აღნიშნავს, რომ მას დღემდე არ აქვს დაზარალებულის სტატუსი.
“
დღეს უფრო ცხადია ამ საქმის აბსურდულობა და ფაქტები, რომლებზეც აპელირებს ბრალდების მხარე. დოკუმენტები მიგვითითებს, რომ ეს იყო სესხი, თუმცა ბრალდების მხარე და ივანიშვილის ჩვენება მიუთითებს იმაზე, რომ ეს ფული იყო ინვესტიცია. მაშინ, რატომ არ დასვა კითხვა, თუ სად იყო ინვესტიციით მიღებული შემოსავალი?
ამ ვითარებაში ვიმყოფები 2 წელია. ეს გამოიწვია ჩემსა და ბიძინა ივანიშვილს შორის აზრთა სხვადასხვაობამ, “გლობალურ ომის პარტიასთან” დაკავშირებულ რიტორიკასთან მიმართებით და ეს რიტორიკა ჩემს წინააღმდეგ საქმის დაწყებასთან ერთად უფრო გაღრმავდა. მე უარი ვთქვი ანტიდასავლურ პროპაგანდაზე და ეს მან [ბიძინა ივანიშვილმა] ღალატად ჩათვალა.
როდესაც ულტიმატუმის ვადა ამოიწურა, რომლის მიხედვით, მე ფულის დაბრუნებას მთხოვდა და წინააღმდეგ შემთხვევაში, თუ ფულს არ დავაბრუნებდი, მისი ოდენობა გაიზრდებოდა, ამ ულტიმატუმის ვადის ამოწურვის შემდეგ დაიწყო ჩემს წინააღმდეგ პროცესი.
შემდეგ მივიღე ინფორმაცია, რომ ციხეში შენს წამებას აპირებენო და ამიტომ ქვეყნის დატოვება მომიწია. თავზე მეშოკჩამოკიდებული ჩამომიყვანეს, ვითომ მწვანე ზონაში მნახეს და იზოლატორში მომათავსეს. ამ საქმეზე გამოძიება არ დაწყებულა.
ამის შემდეგ, ციხეში ხდება ის, რასაც ივანიშვილი დამპირდა, ჯალათი შემომიგზავნეს, რომელმაც დაზიანებები მომაყენა. დღემდე არ მაქვს დაზარალებულის სტატუსი,” – განაცხადა გიორგი ბაჩიაშვილმა.
გიორგი ბაჩიაშვილის წინააღმდეგ საქმე ივანიშვილის განცხადების საფუძველზე 2023 წელს აღიძრა. პროკურატურა ბაჩიაშვილს 39 215 820 აშშ დოლარის კრიპტოვალუტის მითვისებას ედავებოდა. მას თბილისის საქალაქო სასამართლომ 2023 წლის 6 ივლისს აღკვეთის ღონისძიებად 2,5 მილიონი ლარის გირაო შეუფარდა.2025 წლის martSi, ბაჩიაშვილმა საქართველო მარტში დატოვა.
27 მაისს, სუს-მა გაავრცელა ინფორმაცია, რომ “თანაინვესტირების ფონდის” ყოფილი თავმჯდომარე, გიორგი ბაჩიაშვილი წითელი ხიდისა და სადახლოს შორის არსებული ე.წ. მწვანე საზღვრის მონაკვეთის მიმდებარედ დააკავეს. თუმცა, გიორგი ბაჩიაშვილმა განაცხადა, რომ ის საქართველოში “ჯორჯიან ეარვეისის” Bombardier-ის მეშვეობით ჩამოიყვანეს. მოგვიანებით, გიორგი ბაჩიაშვილი „ბიტკოინების საქმეზე“ მოსამართლემ, გიორგი გელაშვილმა დამნაშავედ ცნო და 11 წლით თავისუფლების აღკვეთა მიუსაჯა.