ფინანსთა სამინისტროს შემოსავლების სამსახური განცხადებას ავრცელებს და წერს, რომ თბილისის საერთაშორისო აეროპორტში, ერთობლივად ჩატარებული ღონისძიების ფარგლებში, ნარკოტიკული და ფსიქოტროპული ნივთიერებების შემცველი მედიკამენტების შემოტანის ფაქტი აღიკვეთა.
განცხადებაში ნათქვამია, რომ საქართველოს საზღვარზე უცხო ქვეყნის მოქალაქეს შემოჰქონდა ნარკოტიკული და ფსიქოტროპული ნივთიერებების შემცველი მედიკამენტები (საერთო ჯამში 111 აბი).
“ფინანსთა სამინისტროს შემოსავლების სამსახურის საბაჟო გამშვები პუნქტი თბილისის აეროპორტის მებაჟე ოფიცრებმა, საქართველოს შინაგან საქმეთა სამინისტროს საპატრულო პოლიციის დეპარტამენტის თანამშრომლებთან ერთად ჩატარებული ღონისძიების შედეგად, თბილისის საერთაშორისო აეროპორტში, ნარკოტიკული და ფსიქოტროპული ნივთიერებების შემცველი მედიკამენტები (საერთო ჯამში 111 აბი) აღმოაჩინეს.
მებაჟე ოფიცრების მიერ, უცხო ქვეყნის მოქალაქის, როგორც ფიზიკური, ასევე ბარგის დეტალური დათვალიერების შედეგად, აღმოჩენილი იქნა სპეციალურ კონტროლს დაქვემდებარებული ფარმაცევტული პროდუქტი, რომლის შემოტანაც ნებადართულია მხოლოდ შესაბამისი სამედიცინო დოკუმენტაციის საფუძველზე.
აღნიშნულმა სამართალდამრღვევმა მოქალაქემ კანონმდებლობით გათვალისწინებული დოკუმენტაცია ვერ წამოადგინა.
საქმის მასალები შემდგომი რეაგირების მიზნით, შინაგან საქმეთა სამინისტროს შესაბამის სამსახურს გადაეცა” – განაცხადა შემოსავლების სამსახურმა.