დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე მიიჩნევს, რომ კოვიდგადატანილებისთვის მუდმივ მწვანე სტატუსთან დაკავშირებული გადაწყვეტილება შესაცვლელია და იმედი აქვს, სამომავლოდ შეიცვლება კიდეც.
„ქვეყანაში რეინფიცირების 5 000 -ზე მეტი შემთხვევაა. ასე რომ, კოვიდის გადატანა, სამწუხაროდ, არ იძლევა გარანტიას, რომ კოვიდი არ დაგემართება. კიდევ დაგროვდება სამეცნიერო მტკიცებულებები და იმედი მაქვს, ეს შეიცვლება, ჩემი აზრით, შესაცვლელია“, – განაცხადა პაატა იმნაძემ.
დაავადებათა კონტროლის ეროვნული ცენტრის ხელმძღვანელის მოადგილის პოზიციას, ჟურნალისტი ეკა კვესიტაძე “ფეისბუქის” პირად გვერდზე შემდეგნაირად ეხმაურება:
“წარმოუდგენელია – ყველა ერთმანეთის საწინააღმდეგო განცხადებებს აკეთებს. იმნაძე, რასაკვირველია, მართალია”, – წერს ტელეწამყვანი სოციალურ ქსელში.
აღნიშნულ განცხადებასთან ერთად, პაატა იმნაძემ განმარტა, რატომ არ იმოქმედებს მოლებში მწვანე პასპორტი.
„როდესაც შედარება არის ხოლმე სარესტორნო ბიზნესის და მოლების, დიდი განსხვავებაა. ადამიანი საჭმელს ვერ ჭამს პირბადით, ადამიანი დადის საყიდლებზე პირბადით“, – განაცხადა იმნაძემ.
https://mix.metronome.ge/23908-2/