პოლიციამ ინტერპოლის მიერ წითელი ცირკულარით ძებნილი პირი დააკავა – ინფორმაციას შინაგან საქმეთა სამინისტრო ავრცელებს.
ქვემო ქართლის პოლიციის დეპარტამენტის მარნეულის რაიონული სამმართველოს თანამშრომლებმა, ოპერატიული და საგამოძიებო ღონისძიებებისა შედეგად, ინტერპოლის წითელი ცირკულარით ძებნილი, აზერბაიჯანის რესპუბლიკის მოქალაქე, 1986 წელს დაბადებული რ.ა. დააკავეს.
შსს-ს მიხედვით, დაკავებული 2013 წლიდან აზერბაიჯანის რესპუბლიკის მიერ ორგანიზებული დაჯგუფების წევრობისა და ჯანმრთელობის დაზიანების ბრალდებით იძებნებოდა.
“სამართალდამცველებმა რ.ა. ჩატარებული საგამოძიებო მოქმედებების შემდეგ მარნეულში დააკავეს. ამჟამად დაკავებულის მიმართ კანონით გათვალისწინებული, წინასაექსტრადიციო პროცედურები მიმდინარეობს“,-აღნიშნულია შსს-ის მიერ გავრცელებულ ინფორმაციაში.