პროევროპულ აქციებზე დაკავებული ონისე ცხადაძის დედა, ია ბარდაველიძე სოციალურ ქსელში განცხადებას ავრცელებს, სადაც მასწავლებელ ნინო დათაშვილს სოლიდარობას უცხადებს.
„მას შემდეგ, რაც ჩემი მეუღლე გარდაიცვალა, პირველად მეძლევა მომენტი, რომ ჩემი უპირობო მხარდაჭერა გამოვუცხადო პედაგოგსა და სინდისის პატიმარს ნინო დათაშვილს!
მე კარგად ვიცი რამდენად რთულია ემოციური ცვალებადობა, როდესაც ერთის მხრივ გარდაცვალების ტრაგედია გატყდება თავს, ქალს და მასწავლებელს, ხოლო მეორე მხრივ – შვილის უკანონო პატიმრობა.
ხშირად მადგება ცრემლები ჩემი შვილის პატიმრობაზე და ვიცი რამდენად რთულია ემოციების მართვა, ამის გამო კი ადამიანზე ფსიქიატრიული იარლიყის მიწებება წარმოუდგენელი ბოროტება მგონია.
სოლიდარობა და თავისუფლება პედაგოგ ნინო დათაშვილს. იმედი მაქვს, ძალიან მალე დაფასდება მასწავლებელი და განათლება ჩვენს ქვეყანაში“ — წერს ონისე ცხადაძის დედა ია ბარდაველიძე სოციალურ ქსელში