“გუშინ, ჩუმად სამხარაულის ექსპერტები შეაპარეს, რათა ექსპერტიზაზე მისი ფსიქიატრიულ დაწესებულებაში გადაყვანა არ მომხდარიყო“ – განცხადება დათაშვილის ადვოკატმა, თამარ გაბოძემ დღევანდელ პროცესზე გააკეთა.
“ერთის მხრივ, განჩინებაში ეწერა, რომ ნინოს სტაციონარული ექსპერტიზა უნდა ჩასტარებოდა. მეორე მხრივ, ჩაატარეს ამბულატორიული ექსპერტიზა. შეიყვანეს შეცდომაში სამხარაულის ბიუროც, თითქოს ამბულატორიული ექსპერტიზა იყო დანიშნული, მოტყუებით ჩაუტარეს მათ ნინოს გასაუბრება. რატომ ჩაუტარეთ ამბულატორიული ექსპერტიზა, თუ თვლით, რომ სტაციონარული იყო საჭირო? თუ თქვენ თვლით, რომ აუცილებელი იყო ნინოს სტაციონარში მოთავსება, რატომ შეაპარეთ ექსპერტები?
უპასუხეთ საზოგადოებას. ამის გამოსწორებას ცდილობენ ახლა“ – აცხადებს ადვოკატი თამარ გაბოძე.