“ვფქირობ, ტელეკომპანია “იმედი” ერთ-ერთი ყველაზე ჰუმანური და თბილი არხია საქართველოში. ამ არხზე, ნებისმიერ გადაცემაში რასაც საუბრობენ, მაყურებელს რაღაც საოცარი თანაგანცდა უჩნდება”, – ამის შესახებ მსახიობმა და ტელეწამყვანმა, გიორგი გასვიანმა ტელეკომპანია “იმედის” გადაცემაში “პრაიმშოუ” სატელევიზიო რეიტინგის განმსაზღვრელ ფაქტორებზე საუბრისას განაცხადა.
“საზოგადოებისთვის ხშირად ტელე-ეკრანი სარკე ხდება, სადაც ადამიანმა შეიძლება ჩაიხედოს და საკუთარი თავი დაინახოს. “იმედს” თავისი ისტორია აქვს.. როდესაც ნოესგან (სულაბერიძე) წინადადება წამოვიდა, რომ “სიცრუის დეტექტორის” წამყვანი უნდა გავმხდარიყავი, იმ წამსვე გავიაზრე, რომ ამ გადაცემას ჩემამდე თავისი ისტორია ჰქონდა. უბრალოდ სად მიდიხარ? რა ტერიტორიაზე? ვინ არიან წამყვანები? რა ისტორია აქვს გავლილი ამ არხს? – თავის დროზე არხის დაარბიეს და საოცრებები ჩაიდინეს…. – აი, ამ ტერიტორიაზე მოდიხარ, იქ ძალიან ბევრი რამეა განსასაზღვრი. ვფქირობ, “იმედი” ერთ-ერთი ყველაზე ჰუმანური და თბილი არხია საქართველოში. ამ არხზე, ნებისმიერ გადაცემაში რასაც საუბრობენ, მაყურებელს რაღაც საოცარი თანაგანცდა უჩნდება”, – ამბობს გასვიანი გადაცემაში “პრაიმშოუ”.