ნანუკა ჟორჟოლიანი სოციალურ ქსელში ექიმ გიორგი ახობაძის მიმართ გამოტანილ გაგამართლებენ განაჩენს ეხმიანება.
ჟორჟოლიანი დარწმუნებულია, რომ მოსამართლემ განაჩენი ბიძინა ივანიშვილის დავალებით გამოიტანა, რაც კიტხვეს ბადებს.
“რა თქმა უნდა არის კითხვები.
ამ საქმის მოსამართლე იმ განაჩენს გამოიტანდა, რასაც ეტყოდნენ.
ანუ, ბიძინამ გადაწყვიტა ეს განაჩენი.
რა გვითხრა ამით? გომელაურის პოლიცია ნარკოტიკებს უდებდა ხალხს?
წესით პოლიციელები უნდა დაკავონ.
ნეტავ რას იტყვიან? გომელაურმა დაგვავალაო?
რა მესიჯი გაუგზავნეს ამ განაჩენით ყოფილ მინისტრს?
ეს რომ გვერდით გადავდოთ, რა არის ამ ამბის პოლიტიკური კონტექსტი.
მზიას მიუსაჯეს პატიმრობა და გიორგი, რომელსაც სამუდამოსთვის წირავდნენ გამოუშვეს.
ბიძინა დასავლეთს ეუბნება რომ კარგი ბიჭია.
აგერ, ამხელა საქმეზე გაამართლა კაცი.
მზიას გამართლება შეიძლება მას არ ჩათვლოდა და ახობაძის განაჩენი შოკი იყო.
შიდა გაურკვევლობას თესავს. ფიქრობს რომ ვისაც მიუსაჯა დაიბნევიან.
მაშინ როცა ანრი კვარაცხელიას და საბას განაჩენები მეტის მითხოვნით გაასაჩივრეს, გონია უსამართლობის განცდას გააჩენს.
ბიძინა ხომ ყველაზე მეტად გაუტეხელ და ერთიან სინდისის პატიმრებს ებრძვის. ვერ იგებს რანაირად ამბობენ საპროცესოებზე უარს, არ ტყდებიან, ალაზანზე ხოხობის ფრთხიალი როგორ ურჩევნიათ მონობას.
ჰოდა გონია ამას მოარღვევს, მაგრამ მაგრად ცდება. პატიმრების დიდ ოჯახში უკვე ვეღარ გაარჩევ ვინ, ვისი ოჯახის წევრია. ამიტომ ნებისმიერის თავისუფლება საკუთარივით უხარიათ.
და ბოლოს, რა თქმა უნდა ეს ბიძინას ტრიუკია, მაგრამ უნდა დავიკიდოთ შინაარსის ძებმა და გავაგრძელოთ ბოლომდე!”- წერს ნნაუკა ჟორჟოლიანი.
თბილისის საქალაქო სასამართლოს მოსამართლემ რომეო ტყეშელაშვილმა გიორგი ახობაძე მტკიცებულებათა არარსებობის გამო უდანაშაულოდ ცნო და დარბაზიდან გაათავისუფლა.
2024 წლის 7 დეკემბერს გიორგი ახობაძე საპროტესტო აქციიდან სახლში ბრუნდებოდა, როდესაც ის პოლიციამ დააკავა. გიორგი ახობაძეს ბრალი სისხლის სამართლის კოდექსის 260-ე მუხლის მე-6 ნაწილით წარედგინა, რაც დიდი ოდენობით ნარკოტიკული საშუალებების უკანონო შეძენა-შენახვას ითვალისწინებს.