მოსამართლე რომეო ტყეშელაშვილი ხვალ, 6 აგვისტოს 16:00 საათზე, გიორგი ახობაძის საქმეზე განაჩენს გამოიტანს. ამის შესახებ ახობაძის ადვიკატს დღეს აცნობეს.
პროევროპული აქციების აქტიური მონაწილის, ექიმ გიორგი ახობაძის საქმის განხილვა 25 ივლისს დასრულდა. ახობაძე ამბობს, რომ ნარკოტიკები „ჩაუდეს“. საქმეში არ არსებობს ნეიტრალური მტკიცებულება, რომელიც მისთვის წაყენებულ ბრალს (ნარკოდანაშაულს) დაადასტურებდა. მისთვის წაყენებული ბრალი 8-დან 20 წლამდე ან უვადო პატიმრობას ითვალისწინებს.