“კოალიცია ცვლილებისთვის” წევრმა, მარიკა არევაძემ საპატიმროში ნინო დათაშვილი მოინახულა.
მარიკა არევაძის განცხადებით, ნინო დათაშვილის წინააღმდეგ იყენებენ რეპრესიის ფორმას, რომელიც პუტინის რუსეთს ახასიათებს.
“დღეს მე ნამდვილად მოვინახულე ნინო. ის არის მტკიცედ, ის არის მხნედ და ბრძოლის განწყობაზე. მან მითხრა, რომ მისი ბრძოლა გრძელდება სწორედ საპატიმროდან, ის სადაც თავისუფლება აღუკვეთეს, თუმცა ის არის თავისუფალი მიუხედავად იმისა, რომ გამოკეტილია ოთხ კედელში.
მნიშვნელოვანია აღინიშნოს, რომ ნინოს მიმართ ხორციელდება გაუგონარი რეპრესიების ფორმა. რეპრესიის ფორმა, რომელიც მხოლოდ და მხოლოდ ავტოკრატიული რეჟიმისთვისაა დამახასიათებელი, როდესაც ფსიქიატრიულ მკურნალობას და ფსიქიატრიულ შემოწმებას იყენებენ არა დანიშნულებისამებრ, არამედ რეპრესიების გასაძლიერებლად. ეს ახასიათებს სწორედ პუტინის რუსეთს,” – მარიკა არევაძე.
შეგახსენებთ, პროკურატურამ პატიმრობაში მყოფი აქტივისტის, ნინო დათაშვილის მიმართ ფსიქიატრიული ექსპერტიზის ჩატარება მოითხოვა, სასამართლომ კი აღნიშნული შუამდგომლობა დააკმაყოფილა.