შემოსავლების სამსახური 4 აგვისტოს სოციალურ ქსელში განცხადებას ავრცელებს და წერს, რომ გერმანიის ელჩი პეტერ ფიშერი ხაზარაძის ცოლისაგან ნაქირავებ ბინაში ცხოვრობს. მათი თქმით, ანალიზის შედეგად გამოვლინდა შესაძლო საგადასახადო კანონდარღვევა.
ამ ინფორმაციას გამოეხმაურა მამუკა ხაზარაძის ადვოკატი და აღნიშნა, რომ ეს მორიგი პროპაგანდისტული თავდასხმაა.
“გუშინ სამთავრობო არხებმა გაავრცელეს დამახინჯებული ინფორმაცია, მამუკა ხაზარაძის ოჯახსა და გერმანიის საელჩოს შორის საიჯარო ურთიერთობის შესახებ, რაც მორიგ პროპაგანდისტულ თავდასხმას წარმოადგენს, ერთის მხრივ მამუკა ხაზარაძის ოჯახის და მეორეს მხრივ გერმანიის სახელმწიფოს მიმართ, რასაც ბოლო პერიოდში არაერთხელ ჰქონია ადგილი. გერმანიის ელჩისთვის, ხაზარაძეების ოჯახის საკუთრებაში არსებული ქონების იჯარით გადაცემის შესახებ არსებობს ყველა სამართლებრივი წესის დაცვით შედგენილი, ნოტარიულად დადასტურებული ხელშეკრულება (N221439682 / 21.10.2022 წ.). გერმანიის ფედერაციის დიპლომატიურ წარმომადგენლობასთან სხვაგვარი, ანუ არადოკუმენტირებული თანამშრომლობა შეუძლებელია!” – ნათქვამია ადვოკატების მიერ გავრცელებულ განცხადებაში” – ნათქვამია ადვოკატის განცხადებაში