ს.ს თელასი სოციალურ ქსელში განცხადებას აქვეყნებს და წერს, რომ მათ სერვერებზე ჰაკერული თავდასხმა მოხდა. მათივე თქმით, გამოწვეული დაზიანებების შედეგად, მომხმარებლებთან ავარიულ გათიშვებთან და მიმდინარე სამუშაოებთან დაკავშირებით ელექტრონულ შეტყობინებებს ვერ აგზავნიან.
“2 აგვისტოს სს “თელასის” სერვერებზე ჰაკერული თავდასხმა მოხდა, შეფერხდა კომპანიის სხვადასხვა პროგრამული მოდულებისა და სერვისების მუშაობა.
ამჟამად ვერ სრულდება მომხმარებლისთვის ელექტრონული შეტყობინებების გაგზავნა ავარიულ გათიშვებსა და მიმდინარე სამუშაოებთან დაკავშირებით, ასევე შესაბამის ორგანიზაციებთან წინასწარი ინფორმაციის გაგზავნა თბილისის ელექტროქსელში დაგეგმილი სამუშაოების შეთანხმების შესახებ.
კომპანიის ინფორმაციული ტექნოლოგიების სპეციალისტები მუშაობენ აღნიშნული პრობლემის უმოკლეს დროში მოსაგვარებლად.
კომპანია ბოდიშს უხდის მომხმარებლებს შექმნილი დისკომფორტის გამო.
დედაქალაქის ელექტრომომარაგება ჩვეულ რეჟიმში მიმდინარეობს” – წერია ს.ს თელასის განცხადებასი