აშშ-ის პრეზიდენტმა, დონალდ ტრამპმა ათობით ქვეყანას მაღალი სავაჭრო ტარიფები დაუწესა. ინფორმაციას Reuters-ი ავრცელებს. მათივე თქმით, მათ შორისაა ის ქვეყნებიც, რომლებიც ამერიკის შეერთებული შტატების მთავარ მოკავშირეებად მიიჩნევა, მაგალითად კანადა, ბრაზილია, ინდოეთი და ტაივანი. ეს ნაბიჯი ტრამპის მხრიდან გლობალური ეკონომიკის გადასხვაფერების მცდელობის ნაწილია და მიზნად ისახავს სავაჭრო შეთანხმებების ვადამდე დასრულებას.
პრეზიდენტის აღმასრულებელი ბრძანების თანახმად, ტარიფები შემდეგნაირად დაწესდა:
35% კანადური პროდუქციის უმრავლესობაზე
50% ბრაზილიიდან იმპორტირებულ საქონელზე (ზოგი სექტორი გამონაკლისია)
25% ინდურ პროდუქციაზე
20% ტაივანზე
39% შვეიცარიულ იმპორტზე.
პრეზიდენტის ბრძანებაში სულ მითითებულია იმპორტის გადასახადის 10%-დან 41%-მდე გაზრდა 69 სავაჭრო პარტნიორისთვის. ყველა სხვა ქვეყნიდან შეტანილ საქონელზე კი 10%-იანი იმპორტის გადასახადი დაწესდება.