დღეს, 23 ნოემბერს, “ვარდების რევულოუციიდან” 18 წელი გავიდა. ანიშნულ თარიღთან დაკავშირებით “ტაბულას” დამფუძნებელი, ჟურნალისტი თამარ ჩერგოლეიშვილი “ფეისბუქის” პირად გვერდზე წერს:
“ვარდების რევოლუცია, ჩემთვის, 200 წლიანი წყვეტის მერე, ამ ქვეყანაში, ლიბერალურ დემოკრატიაზე დაფუძნებული ერი – სახელმწიფოს დასაწყისია.
ვარდების რევოლუცია თუ რამეს გამორიცხავდა თავისი არსით, ეს მესიანისტური ბოდვებია!
“ერთი მუჭა” ლიბერალობა და პატრიოტობა ვისაც სალანძღავ სიტყვებად არ გაგიხდიათ, ყველას გილოცავთ ამ დიდებულ დღეს!
რესპუბლიკას გაუმარჯოს!”, – წერს ჩერგოლეიშვილი სოციალურ ქსელში.
ე.წ. „ვარდების რევოლუციის“ სახელით ცნობილია 2003 წლის 2 ნოემბრის საპარლამენტო არჩევნების შემდეგ, მისი გაყალბების წინააღმდეგ დაწყებული საპროტესტო გამოსვლები, რასაც 23 ნოემბერს მოჰყვა პრეზიდენტის თანამდებობიდან ედუარდ შევარდნაძის გადადგომა და ხელისუფლების შეცვლა.