მთაწმინდის პარკში, კახი კალაძის მერობის კანდიდატად წარდგენის ღონისძიება მიმდინარეობს, რომელსაც ბიძინა ივანიშვილი ესწრება.
ღონისძიება პრემიერ მინისტრმა, ირაკლი კობახიძემ გახსნა, რომელმაც საზოგადოებას გამოცხადებული ნდობისთვის მადლობა გადაუხადა და თბილისის მერობის კანდიდატად, მესამე ვადით, კახა კალაძე დაასახელა.
“2012 წელს საქართველო გარედან მართული უმძიმესი ავტორიტარიზმისგან გაათავისუფლა და ჩვენი ქვეყანა განვითარების სწორ გზაზე დააყენა. 2012 წლიდან ქვეყანას აქვს 13 წლიანი უწყვეტი მშვიდობა, ქვეყანა არის დამოუკიდებელი და სუვერენული, როგორც არასდროს. უკვე მეხუთე წელია, საქართველო არის პირველ ადგილზე ევროპაში, ეკონომიკური ზრდის მაჩვენებლით. ეს ყველაფერი ბიძინა ივანიშვილის დამსახურებაა, რომელსაც კიდევ ერთხელ, თქვენთან ერთად მინდა მადლობა გადავუხადო,-თქვა კობახიძემ.
მისივე თქმით, დღეს “ოცნების“ სააარჩევნო კამპანია იხსნება და თბილისის მერობის კანდიდატს წარადგენენ.