საქართველოს თითქმის მთელ ტერიტორიაზე მზიანი ამინდი იქნება. ტემპერატურის ყველაზე მაღალი ნიშნული ქუთაისშია ნავარაუდევი – აქ ჰაერის ტემპერატურა 39 გრადუსს მიაღწევს.
ამ თემაზე “მეტრონომი” “საქართველოს მწვანეები – დედამიწის მეგობრების“ თავმჯდომარეს, ნინო ჩხობაძეს დაუკავშირდა.
როგორც ნინო ჩხობაძემ განმარტა, საქართველოში მაღალი ტემპერატურები შენარჩუნდება. ამ კვირაში, გარკვეულ ადგილებში, ფიქსირდება 40-43 გრადუსი.
“ზოგადად დედამიწაზე ფიქსირდება ძალიან მაღალი ტემპერატურები. თურქეთში ტემპერატურამ უკვე 40 გრადუსამდე მიაღწია. ჩვენც ველოდებით, რომ აქაც იქნება მაღალი ტემპერატურები. ამ კვირაში საქართველოში გარკვეულ ადგილებში ფიქსირდება 40-43 გრადუსი.
რაც შეეხება სტიქიურ მოვლენებს, გასულ თვეში საქართველოში მეწყერები გამოწვეული იყო ძლიერი ნალექების შედეგად, ვინაიდან საქართველოში მეწყერსაშიში ზონები გაძლიერებულია, სრულიად შესაძლებელია, რომ ბევრ ადგილას კვლავ მოხდეს მეწყერის ფორმირება” – განაცხადა ნინო ჩხობაძემ.