„ეს ყველაფერი საკუთარ თავს დამართა თვითონ მიშამ და ეს თავადაც კარგად იცის“ – რას წერს ჩერგოლეიშვილი?

„ფედერალისტების“ ლიდერმა, თამარ ჩერგოლეიშვილმა ოპოზიციაში მიმდინარე პროცესების შესახებ პოსტი გამოაქვეყნა.

„ნაცმოძრაობაში“ ის ხდება, რაც „ოცნებაში“ ხდება, უბრალოდ „ნაცებში“ უფრო ადრე დაიწყო, რადგან უფრო სუსტია. ყველა არამერიტოკრატიული და არა დემოკრატიული სისტემა, რომელიც არა წესებზე და პრინციპებზე, არამედ ერთი პიროვნების ახირებების ლოიალურობაზე დგას, ინგრევა. ეს ყველაფერი საკუთარ თავს დამართა თვითომ მიშან და ეს თავადაც კარგად იცის, უბრალოდ ნარკომანივითაა – თავს ვერ ერევა და ლომკაში სუსიო გაიძახის, ანუ სრულიად კანონზომიერია, რომ „ნაცმოძრაობა“ თავის ჭამას აგრძელებს და პროცესის ლოგიკით, ბიძინასთან ერთად დასრულდება. ბიძინას სისტემამ როგორც შეჭამა რიჟვაძე, ღარიბაშვილი, ლილუაშვილი, გომელაური, ისე ჭამდა და ჭამს მიშას სისტემა თავის საყრდენებს, ვიდრე დემოკრატიული პრიცესი გველეშაპს ორივე თავს არ მოკვეთავს და იქვე ამოზრდილ მუტანტსაც – ხაზარაძის სახით, ადგილს მიუჩენს, ანუ ყველაფერი სწორად მიდის და გავიმარჯვებთ სახელოვნად“, – დაწერა მან.