სეისმოლოგებმა რუსეთში, კამჩატკის სანაპიროსთან, ერთი საათის განმავლობაში, 11 მიწისქვეშა ბიძგი დააფიქსირეს.
ყველაზე ძლიერი მიწისძვრის სიმძლავრემ 5.5 მაგნიტუდა შეადგინა.
გაერთიანებული გეოფიზიკური სამსახურის კამჩატკის ფილიალის ცნობით, დაფიქსირებული ბიძგების სიმძლავრე 4.2-დან 5.5-მდე მერყეობდა.
სეისმოლოგების თქმით, ზედაპირზე მიწისძვრების აღქმადობის შესახებ ინფორმაცია ჯერ არ არსებობს.
მანამდე, კამჩატკაში, 10 წუთზე ცოტა მეტი ხნის განმავლობაში, 4.8-დან 6.0 მაგნიტუდამდე სიმძლავრის ხუთი მიწისძვრა მოხდა.
შეგახსენებთ, კამჩატკის ნახევარკუნძულზე გუშინ, 8.8 მაგნიტუდის სიმძლავრის მიწისძვრა მოხდა.
ეს ამ რეგიონში დაკვირვებების მთელი ისტორიის განმავლობაში ყველაზე ძლიერი მიწისქვეშა ბიძგი იყო.