თბილისის სააპელაციო სასამართლოში გიორგი ბაჩიაშვილის საქმის განხილვა მიმდინარეობს. ბრალდებული თბილისის საქალაქო სასამართლოს გადაწყვეტილებას ასაჩივრებს, რომლის მიხედვითაც ბაჩიაშვილი „ბიტკოინების საქმეზე“ მოსამართლემ დამნაშავედ ცნო და 11 წლით თავისუფლების აღკვეთა მიუსაჯა.
“მე პატიმარი არ ვარ, მე ვარ ტყვე ყველანაირი საერთაშორისო კანონმდებლობით… საგულდაგულოდ ქსნის საპყრობილიდან ჩამოიყვანეს ჯალათი, პირდაპირ გაიღო კამერის კარი, დამიწყო გინება და ცემა, შუშით დამუქრება. გამიტეხა თავი, ხელი გამიჭრა და მრავალი კიდევ სხვა დაზიანებაც მაქვს მიღებული. არც კამერები წარმოუდგენია ჩვენთვის ჯერჯერობით არავის და არც დაზარალებულად მაღიარეს…
ჩამიკეტეს გარეთ წვდომა, ადვოკატთტანაც კი ამიკრძალეს დარეკვის უფლება. რატომ? იმიტომ, რომ როცა შემოიყვანეს ის ნაძირალა ჩემს საწამებლად, რომ ვერ დამერეკა. 63 საათი არ უშვებდნენ ადვოკატს ჩემთან. ის კი არა, სახალხო დამცველთანაც არ არეკინებდნენ. საავადმყოფოში რომ წამიყვანეს, იმ საავადმყოფოში რომ ჩემი ჰოსპიტალიზება არ მოეხდინათ ვითომ ჩემი სიმპტომები არ ენახათ, ჩემი სიმპტომები ამოირეს ორმა 100-იდან, მე რასაც ვამბობდი ის არ ჩაუწერიათ და საავადმყოფოდან ხელ-ფეხში… ხელში ამიყვანეს უარს რომ ვამბობდი წამოსვლაზე და წამომათრიეს უკან ციხეში. წამებას დაამატეს არაადამიანური მოპყრობა” – განაცხადა გიორგი ბაჩიაშვილმა სასამათლო სხდომაზე.
შეგახსენებთ, “თანაინვესტორების ფონდის” ყოფილი ხელმძღვანელი გიორგი ბაჩიაშვილი 27 მაისს დააკავეს.
ფოტოები: „პუბლიკა“