თბილისის მერიამ სამოქალაქო აქტივისტს, თამარ კურატიშვილს სამართალდარღვევათა ოქმი შეუდგინა, რომელიც ნარჩენების მართვის კოდექსის 36-ე მუხლის 1-ელი ნაწილის შესაბამისად, 5000 ლარიან ჯარიმას ითვალისწინებს.
ცნობისთვის, აქტივისტმა 2025 წლის 20 ივნისს პარლამენტის შენობის წინ მდებარე შადრევანი წითლად შეღება. ეს პერფომანსი 2019 წლის 20 ივნისს ეხმიანება, როდესაც აქციის ძალადობრივი დაშლისას, ორმა მოქალაქემ თვალი დაკარგა.