პროკურატურამ პატიმრის წამების ფაქტზე ალექსანდრე მუხაძე პასუხისგებაში მისცა, ამავე საქმეზე ბრალდებულია მეგის ქარდავა. უწყება ვიდეომასალასაც ავრცელებს, სადაც მითითებულია, რომ მასალა შეიცავს ძალადობის კადრებს.
აღნიშნულს “მთავარი არხის” გენერალური დირექტორი ნიკა გვარამი “ფეისბუქის” პირად გვერდზე შემდეგნაირად ეხმაურება:
“ესენი ხელისუფლებიდან რომ წავლენ (მალე), შეიკრიბებიან ხოლმე, წრეზე დასხდებიან, შუაში პროკურატურიდან მოპარულ ტრიბუნას დადგამენ, უსახელგვარო ვინმე სპირკერს დააყენებენ და მეგის ქარდავაზე ბრიფინგს ჩაატარებინებენ.
სად გაიმართება ხოლმე ეს ივენთები – საგიჟეში, ციხეში, ამათთვის გაშენებულ სპეციალურ დასახლებაში, თუ ანტონ ობოლაშვილის (ეს ისაა, წელიწადში რომ 2 დაბადების დღე აქვს) წვეულებებზე – ჯერჯერობით უცნობია”, – წერს გვარამია სოციალურ ქსელში.
საქართველოს პროკურატურამ პატიმრის წამების ფაქტზე სასჯელაღსრულების დეპარტამენტის მე-8 დაწესებულების ყოფილი დირექტორი ალექსანდრე მუხაძე (მეტსახელად „ქილერა“) ბრალდებულად პასუხისგებაში მისცა.
პროკურატურის განცხადებით, ვინაიდან ალექსანდრე მუხაძე თავს არიდებს საგამოძიებო ორგანოში გამოცხადებას, – წამებისათვის – ბრალდება მას დაუსწრებლად წარედგინება საქართველოს სსკ-ის 1441-ე მუხლის II ნაწილით. ბრალდება სასჯელის სახედ და ზომად თავისუფლების აღკვეთას ცხრიდან თხუთმეტ წლამდე ვადით ითვალისწინებს.
https://mix.metronome.ge/%e1%83%aa%e1%83%98%e1%83%ae%e1%83%94%e1%83%a8%e1%83%98/