ნარკოდანაშაულის ბრალდებით დაკავებულებმა, არტემ გრიბულმა და ანატოლი ჩეჩინმა პროტესტის ნიშნად მშრალი შიმშილობა გამოაცხადეს.
ისინი პენიტენციურმა სამსახურმა ერთ საკანში გადაიყვანა.
არტემ გრიბულს აქვს სამი მოთხოვნა :
. მედიას მიეცეს სასამართლო პროცესებზე დასწრების უფლება;
. პროკურატურამ დაიწყოს გამოძიება პოლიციელების მიმართ მათი საჩივრების საფუძველზე;
. ანასტასია ზინოვკინას მდგომარეობა გამოსწორდეს: მიეცეს ნორმალური კვება, სათანადო სამედიცინო დახმარება და გადაიყვანონ ნათელ, სუფთა და ფართო კამერაში.
არტემ გრიბულის ადვოკატის, დარია სამუდოროვას განცხადებით, მისი დაცვის ქვეშ მყოფს მიაჩნია, რომ მის საქმეზე „არ ჩატარებულა ობიექტური და სრული გამოძიება.“
ის აპროტესტებს ფაქტს, რომ საქმის არსებით განხილვამდე სასამართლომ დაცვის მხარის არც ერთი შუამდგომლობა არ დააკმაყოფილა.
ანტონ ჩეჩინის ადვოკატის, გიორგი ჩხაიძის თქმით, მისი დაცვის ქვეშ მყოფი თავს უკანონო პატიმრად მიიჩევს და შიმშილომა მისი პროტესტის უკიდურესი გამოხატვის ფორმაა.
ამასთან, მისივე განმარტებით, ჩეჩინი შიმშილობას ზეგ დაასრულებს, რადგან „31 ივლისს უნდა დაიკითხოს და ნაშიმშილარი ადამიანი ჩვენებას ვერ მისცემს. ამის შემდეგ გააგრძელებს თუ არა პროტესტს მისი გადასაწყვეტია”.
შეგახსენებთ, ანტონ ჩეჩინი, სახლთან 2024 წლის 3 დეკემბერს დილის საათებში იმ დროს დააკავეს, როცა სამსახურში მიდიოდა. მას ბრალად ედება დიდი ოდენობით ნარკოტიკული საშუალებების შეძენა-შენახვა, რაც 20 წლამდე ან უვადო პატიმრობას ითვალისწინებს. ჩეჩინი ცოლთან ერთად, დემონსტრაციების მონაწილე იყო.
ანასტასია ზინოვკინას და არტემ გრიბულის პროკურატურა 16 გრამი ნარკოტიკული საშუალება ალფა-პვპ-ის ფლობას ედავება.
არც ჩეჩინი და არც ზინოვნიკა და გრიბული ბრალს არ აღიარებენ და ამბობენ, რომ პოლიციამ მათ ნარკოტიკი ჩაუდო – მიაჩნიათ, რომ ისინი თბილისში საპროტესტო აქციებში მონაწილეობის გამო ისჯებიან.