„ერთიანი ნაციონალური მოძრაობა“ საგანგებო განცხადებას ავრცელებს.
„დღეს ჩვენ შევიკრიბეთ იმისთვის, რომ კიდევ ერთხელ “ერთიანი ნაციონალური მოძრაობის” სახელით, 378 საკრებულოს წევრის სახელით ვთქვათ, რომ არა 4 ოქტომბრის რუსულ სპეცოპერაციას და ვიბრძოლოთ მხოლოდ და მხოლოდ ახალი თავისუფალი, სამართლიანი საპარლამენტო არჩევნებისთვის. სამწუხაროდ ზოგმა ვერ გაუძლო ცდუნებას, მათ შორის დემოკრატიულმა პარტიამ, მაგრამ “ერთიანი ნაციონალური მოძრაობა”, ისევე როგორც 13 წლის განმავლობაში
დღესაც, ხვალაც, 4 ოქტომბერსაც იქნება ბრძოლის წინა ხაზზე და აუცილებლად აწევს გამარჯვების დროშას ივანიშვილის რეჟიმის წინააღმდეგ.
ჩვენ ვხედავთ, რომ ყოველდღიურად არის განცხადებები საერთაშორისო ასპარეზზე, მათ შორის დღეს ევროპარლამენტმა განაცხადა, რომ ის არ აღიარებს ივანიშვილის არალეგიტიმურ ხელისუფლებას, ის არ ითანამშრომლებს ივანიშვილის რუსულ რეჟიმთან და ითანამშრომლებს მხოლოდ იმ ხელისუფლებასთან, რომელიც წაიყვანს ევროპისკენ ახალი
თავისუფალი არჩევნების შედეგად.
ძალიან მნიშვნელოვანია, რომ დღეს ჩემთან ერთად არიან “ნაციონალური მოძრაობის” საკრებულოს წევრები, ესენი არიან ადამიანები, რომლებსაც ძალიან კარგად ესმის ბრძოლის ფასი ყველგან – სოფლებში, ქალაქებში, დაბებში, სწორედ ეს გაუტეხელი ადამიანები არიან ისინი, რომლებმაც საქართველოს თავისუფლება და სახელმწიფოებრიობა ივანიშვილის რეჟიმის მოღალატეობრივი ქმედებების მიუხედავად, დღევანდელ დღემდე მოიტანა და ხვალ სწორედ ეს გუნდი, “ნაციონალური მოძრაობა” კვლავ აწევს გამარჯვების დროშას და ეს გამარჯვება გადის პრინციპულობაზე, უკომპრომისობაზე, ბრძოლაზე და სწორედ ასე – უკომპრომისობით, პრინციპულობით ავწევთ ჩვენ გამარჯვების დროშას“, – აღნიშნავს პარტიის თავმჯდომარემ, თინათინ ბოკუჩავა.