სააკაშვილმა ილოცოს და ყოველდღე სანთლები ანთოს ,,ქართული ოცნების” სახელზე – ამის შესახებ “ქართული ოცნების“ ერთ-ერთმა ლიდერმა, სოზარ სუბარმა “ჯორჯიან თაიმსის” გადაცემაში “დროული კითხვები” განაცხადა.
მისივე თქმით, საქართველოს ყოფილი პრეზიდენტი ციხეში 2027 წლამდე იქნება.
“ილოცოს, მადლობა თქვას და “ქართული ოცნების” სახელზე ყოველდღე სანთლები აანთოს. თორემ, ახლა იმ საქმეებზე რაც უკვე მისჯილი აქვს, ექნებოდა არა ექვსი, არამედ, 15 წელი. ხოლო, ახალ საქმეებზე, რაზეც სასამართლო პროცესები მიმდინარეობს – კიდევ 19 წელი, საზღვრის გადმოკვეთასა და შეურაცხყოფის მიყენებას რაც შეეხება, იმის ზემოთაც დაემატებოდა.
ხოდა, მადლობა თქვას, რომ შეკრებითობის პრინციპი გავაუქმეთ და გამოვიდა ამნისტია, რომელმაც წლები მოაკლო”, – ამბობს სოზარ სუბარი გადაცემაში “დროული კითხვები”.