უკრაინის პრეზიდენტი, ვოლოდიმირ ზელენსკი აშშ-ის ლიდერის, დონალდ ტრამპის მიერ რუსეთის პრეზიდენტ ვლადიმერ პუტინისთვის 50-დღიანი ვადის მიცემას გამოეხმაურა.
„50 დღე ჩვენთვის, უბრალოდ, საშინელებაა, ყოველი დღე საშინელია“,- აღნიშნა ზელენსკიმ.
უკრაინის პრეზიდენტის თქმით, რუსეთისთვის საქნციების 50-დღიანი ვადა დროისა და ადამიანების სიცოცხლის ფუჭად კარგვაა, რადგან „პუტინი ტრამპს ატყუებს.“
როგორც ზელენსკი აღნიშნავს, 50-დღიანი ვადა ნიშნავს მხოლოდ კიდევ უფრო მეტ სიკვდილსა და განადგურებას თითქმის ორი თვის მანძილზე.