ყოფილი დეპუტატი, ემზარ კვიციანი, ექს-პრეზიდენტის ვაჟის, ედუარდ სააკაშვილის განცხადებას გამოეხმაურა და ხელისუფლებას მიმართა, რომ მიხელ სააკაშვილი სამოქალაქო კლინიკაში უნდა გადაიყვანონ.
“მიიყვანეეთ ბოლოს და ბოლოს კლინიკაში, რა გახდა კლინიკაში მიყვანა, ამის გამო აჭყივლებთ ამ სექტას? ბოლოს და ბოლოს სამი ბანდიტი და ერის გამყიდველი სულ გამოუშვით ციხიდან და რა გახდა ამ ერთი გამყიდველის კლინიკაში გადაყვანა და მოურჩებათ სახვეწარ – სატირალი!!!“, – წერს კვიციანი სოციალურ ქსელში.
ცნობისთვის, პატიმრობაში მყოფი საქართველოს ექს-პრეზიდენტის, ვაჟმა, ედუარდ სააკაშვილმა ვიდეომიმართვა გაავრცელა თავისი, მისი ძმისა და დედის სახელით ხელისუფლებას მოუწოდა გადაიყვანონ მიხეილ სააკაშვილი სამოქალაქო კლინიკაში.
ედუარდ სააკაშვილის თქმით, მიუხედავად იმისა, რომ ესმის ამჟამინდელი ხელისუფლების მომხრეების პრეტენზიები ექს-პრეზიდენტის მიმართ, სჯეროდა, რომ მას ღირსეულად მოეპყრობოდნენ და მიიჩნევს, რომ ის, რაც ახლა ხდება, გასცდა პოლიტიკურ მართლმსაჯულებასაც და გადაიქცა ძალიან საშიშ და მახინჯ ანგარიშსწორებად.