ტელეწამყვანი ეკატერინა ფანგანი “ფეისბუქის” პირად გვერდზე იმ ადამიანთა საყურადღებოდ წერს, რომლებიც აცრას ეწინაამღდეგებიან და ამასთან, მის მიმართ გამოხატულ სიძულვილსაც პასუხობს:
“მეც ძალიან პოპულარული ვყოფილვარ ანტივაქსერებში, მრავალი ეპითეტით შემკული – კოვიდ ფაშისტი. მაგრამ, ჩვენ თუ ერთ ადამიანს მაინც მივაწვდენთ ხმას, ერთ ადამიანს მაინც დავეხმარებით და ერთ ადამიანს მაინც გადავარჩენთ ჩვენი შეგონებით, ე.ი. სიცოცხლემ გაიმარჯვა სიკვდილზე და ჩვენც გავიმარჯვეთ.
ვითომ მორწმუნე მაწყევარებს კი შევახსენებ, რომ წყევლა მხოლოდ ეშმაკისაა და, ვისაც მდოგვის მარცვლის ოდენა რწმენა მაინც აქვს და ქრისტეს სიყვარული, არაფერი აქვს საერთო იმ აგრესიასა და საშინელ სიტყვებთან, რასაც ვკითხულობთ.
ამ დროს ჩვენ კი, მართლმადიდებლებს, ფარად ეს გვაქვს:
“უფალი ნათელ ჩემდა და მაცხოვარი ჩემდა; ვისა მეშინოდის? უფალი შესავედრებელ არს ცხოვრებისა ჩემისა; ვისგან შევძრწუნდე? “…
ანუ არ გვეშინია. ფსალმუნი 26. ვინც ვერ გაიგებთ, ახალი ქართულის ვერსიაც არის.
დღეს საქართველოში კოვიდით 82 ადამიანი გარდაიცვალა.
#აიცერი”, – წერს ფანგანი სოციალურ ქსელში.
https://mix.metronome.ge/23548-2/