გუშინ ჩვენ რაც ვნახეთ, ეს არ არის უბრალო ტრაგედია, ეს არის მკვლელობა, რომელსაც წინ უძღოდა დანაშულებრივი უმოქმედობა, რომელიც სახეზეა თბილისის მერიის და კახა კალაძის მხრიდან, – ამის შესახებ “ერთიანობა ნაციონალური მოძრაობის” წევრმა ლაშა ფარულავამ გადაცემა “რეაქციაში“ განაცხადა.
მისი თქმით, “ყველამ კარგად იცოდა, რომ სახლი ავარიული იყო, თუმცა არავინ გააფრთხილეს და არაფერი გააკეთეს, რასაც მოჰყვა ორი ადამიანის გარდაცვალება.“
გუშინ ჩვენ რაც ვნახეთ, ეს არ არის უბრალო ტრაგედია, ეს არის მკვლელობა, რომელსაც წინ უძღოდა დანაშულებრივი უმოქმედობა, რომელიც სახეზეა თბილისის მერიის და კახა კალაძის მხრიდან. თავად განაცხადეს გუშინ, რომ იცოდნენ, ეს საცხოვრებელი სახლი იყო ავარიული. ეს არის ადგილი, სადაც აგრარული ბაზარია, დეზერტირების ბაზარი, სადაც საზოგადოებრივი ტავშეყრის ადგილია და უამრავი ადამიანი გადაადგილდება, თუმცა, არავინ გააფრთხილა მოსახლეობა, არავინ არაფერი გააკეთა, რასაც მოჰყვა ორი ადამიანის გარდაცვალება. ეს არის კახი კალაძის კოროფციული მმართველობის, გულგრილობის და დაუდევრობის შედეგი. ტრაგედიიდან ტრაგედიამდე ცხოვრობს თბილისი. ეს არის სისტემური დანაშაული. სერიული სახელმწიფოებრივი მუნიციპალური გულგრილობა, რომელიც ადამიანებს კლავს. ჩვენ შევიტანეთ განცხადება და პროკურატურისგან ვითხოვთ მიუკერძოებელ გამოძიებას, თუმცა, რეჟიმის პირობებში არანაირი გამოძიება არ იქნება, რადგან კლეპტოკრატიულ რეჟიმის სახე რა არის, მათთვის მთავარი პრიორიტეტია არა მოქალაქე, არამედ საკუთარი ჯიბის გასქელება, რაც კიდევ ერთხელ გამოიხატა გუშინ,როცა მოქალაქეებს დაუპირისპირდა თბილისის მერი, როცა პასუხისმგებლობა უნდა აეღო, – განაცხადა ფარულავამ.