ქალთა უფლებადამცველი, ბაია პატარაია “ფეისბუქის” პირად გვერდზე მისი არასრულწლოვანი შვილის ვაქცინირების ფოტოს აქვეყნებს, რაზეც განმარტებას აკეთებს და მოქალაქეებს აცრისკენ მოუწოდებს.
“მგონი, ჩვილობის მერე არ დამიდია ჩემი შვილის ფოტო საჯაროდ; მისივე ნებართვით ვდებ პარასკევს რესპუბლიკურში გადაღებულ ფოტოს, სადაც იცრება “ფაიზერის” ვაქცინით. არ ჰქონია რაიმე გვერდითი ეფექტი, გარდა იმისა, რომ მეორე დღეს მოგვიანებით გაიღვიძა და ხელს იტკიებდა ცოტა. დღეს ხელსაც თავისუფლად ამოძრავებს და არის შესანიშნავად.
აიცერით, ხალხო, გუშინ 81 ადამიანი იმსხვერპლა კოვიდმა! ხომ ხედავთ, უკვე ბავშვებსაც ვცრით. ეს რომ საშიში იყოს, ჩემ მხოლოდშობილ ძეს, ხომ ვერ გავიმეტებდი?!”, – წერს პატარაია სოციალურ ქსელში.
