“ბათუმი მოლში“ ევაკუაცია გამოცხადდა – გორგილაძის ქუჩაზე სახელმწიფო უსაფრთხოების სამსახურის თანამშრომლები არიან მობილიზებული.
როგორც სახელმწიფო უსაფრთხოების სამსახურში „ინტერპრესნიუსთან“ საუბრისას განაცხადეს, უწყება უსაფრთხოების პროტოკოლით გათვალისწინებულ სპეციალურ ღონისძიებებს ახორციელებს.
“საფრთხის შესახებ მიღებულ შეტყობინებასთან დაკავშირებით, სახელმწიფო უსაფრთხოების სამსახურის კონტრტერორისტული დანაყოფების მიერ, “ბათუმი მოლში” მიმდინარეობს უსაფრთხოების პროტოკოლით გათვალისწინებული სპეციალური ღონისძიებები“ – აღნიშნეს უწყებაში.