მამა შალვა კეკელია “ფეისბუქის” პირად გვერდის მეშვეობით მიმართვას ავრცელებს და “მთავარ არხს” მისი ნათქვამის დამახინჯებაში ადანაშაულებს.
“მთავარი არხის” მიერ, “კონტექსტიდან ამოგლეჯილი” გადაცემის არასრული მონაკვეთი დაიდო. ეს გადაცემა ობიექტივზე პირდაპირ ეთერში 26 სექტემბერს გავიდა, ხოლო, ყოფილი პრეზიდენტი მიხეილ სააკაშვილი 30 სექტემბერს დააპატიმრეს.
ვინც ეს მოჭრილი მონაკვეთი დაამახინჯა, მას ეს გადაცემა აუცილებლად ბოლომდე ექნებოდა ნანახი…
P.S. დასკვნა თქვენ გამოიტანეთ – რას ემსახურება მათი ესეთი შეგნებული და დაუღალავი ბრძოლა სასულიერო პირებისა და შესაბამისად ეკლესიის წინააღმდეგ…”, – წერს მამა შალვა კეკელია სოციალურ ქსელში.
ცნობისთვის, მამა შალვა კეკელიამ “ობიექტივის” ეთერში გაიხსენა, რომ რამდენიმე კვირის წინ, როგორც სასულიერო პირი, საშინელმა ფიქრებმა შეიპყრო, მან ადამიანის სიკვდილზე დაიწყო ფიქრი. თუმცა, იქვე იმასაც დასძენს, რომ მალევე ამის გამო დიდმა სინანულმა მოიცვა.