“მთავარი არხის” გენერალური დირექტორი, მიხეილ სააკაშვილის უფლებადამცველი ნიკა გვარამია “ფეისბუქის” პირადი გვერდის მეშვეობით ჟურნალისტებს მიმართავს.
“მიშასთან ამერიკელი ადვოკატი, ჯონ სენდვიჯი შევიდა. ჟურნალისტებს ვთხოვ, რომ ჯონ სენდვიჩს ნუ ამბობენ, თორემ გამოვა იუსტიციის მინისტრი და კობახიძე-ღარიბაშვილი და იტყვიან რომ მიშამ ჭამა დაიწყო. საპატრიარქოც გამოხტება და სენდვიჩი არასამარხვო მენიუაო, გვამცნობს”, – წერს გვარამია სოციალურ ქსელში.
ცნობისთვის, საქართველო ექს-პრეზიდენტის მოსანახულებლად გლდანის ციხის საავადმყოფოში მისი ამერიკელი ადვოკატი, ჯონ სენდვიჯი მივიდა.
უფლებადამცველი აშშ-დან საქართველოში გვიან ღამით ჩამოფრინდა.