გუშინ ევროპარლამენტმა საქართველოს შესახებ რეზოლუცია მიიღო.
აღნიშნულს შალვა პაპუაშვილი სოციალური ქსელით გამოეხმაურა.
„ევროპარლამენტმა, გუშინდელი რეზოლუცია, რომელიც რადიკალურ ოპოზიციას მიუთითებს, მონაწილეობა არ მიიღონ თვითმმართველობის არჩევნებში, კომისარ მარტა კოსის მონაწილეობით და მისი მხრიდან, რეზოლუციის ავტორის, რასა იუკნევიჩიენეს მიმართ კომპლიმენტების ფონზე მიიღო.
ადგილობრივი თვითმმართველობის არჩევნები 12 კვირაში გაიმართება.
მოვინიშნოთ ევროპარლამენტის რეზოლუციაზე ევროკომისრის პოზიცია, როგორც, ამ საარჩევნო ციკლში, ბრიუსელის პირველი ჩარევა საქართველოს არჩევნებში, ამჯერად, მისი ჩაშლის მიზნით, რაც საქართველოს მოქალაქეებისთვის საარჩევნო უფლების წართმევის მცდელობის ტოლფასია“, – წერს ის.
ზემოაღნიშნული რეზოლუციის დეტალებს გაეცანით ბმულზე.