საქართველოს პროკურატურის ცნობით, 7 ივლისს, გორის მუნიციპალიტეტის სოფელ ტირძნისში მომხდარ განზრახ მკვლელობის ფაქტზე, ერთ პირს ბრალდება წარუდგინა.
უწყების ცნობით, „ბრალდებულმა მეუღლეს დანით მრავლობითი დაზიანებები მიაყენა. მიღებული დაზიანებების შედეგად დაზარალებული ადგილზე გარდაიცვალა.
დაკავებულს ბრალდება საქართველოს სისხლის სამართლის კოდექსის 11 პრიმა, 109-ე მუხლის „კ“ ქვეპუნქტით (განზრახ მკვლელობა, ჩადენილი ოჯახის წევრის მიმართ) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს.“
პროკურატურის შუამდგომლობის საფუძველზე, სასამართლომ ბრალდებულს, აღკვეთის ღონისძიების სახით, პატიმრობა შეუფარდა.