აშშ-ის სახელმწიფო მდივანი, მარკო რუბიო სოციალურ ქსელ X-ზე წერს, რომ გაეროს ადამიანის უფლებათა საბჭოს მომხსენებლის, ფრანჩესკა ალბანეზეს მიმართ სანქციები დაწესდება.
რუბიოს თქმით, სანქციების მიზეზი, ალბანეზეს მიერ „აშშ-ისა და ისრაელის ოფიციალური პირების, კომპანიებისა და აღმასრულებელი დირექტორების წინააღმდეგ“ განხორციელებული მცდელობებია.
„დღეს მე სანქციებს ვუწესებ გაეროს ადამიანის უფლებათა საბჭოს სპეციალურ მომხსენებელს, ფრანჩესკა ალბანეზეს, მისი უკანონო და სამარცხვინო მცდელობისთვის, წამოეწყო ქმედებები აშშ-ისა და ისრაელის ოფიციალური პირების, კომპანიებისა და აღმასრულებელი დირექტორების წინააღმდეგ.
ალბანეზეს მიერ შეერთებული შტატებისა და ისრაელის წინააღმდეგ პოლიტიკური და ეკონომიკური ომის კამპანია აღარ იქნება დაშვებული. ჩვენ ყოველთვის დავუდგებით გვერდით ჩვენს პარტნიორებს მათი თავდაცვის უფლებისთვის ბრძოლაში. ამერიკის შეერთებული შტატები გააგრძელებს ნებისმიერი ქმედების განხორციელებას, რომელსაც საჭიროდ ჩათვლის კანონის მოთხოვნების ჩვენი და ჩვენი მოკავშირეების სუვერენიტეტის დასაცავად“, – წერს რუბიო.