„კოალიცია ცვლილებისთვის“ ლიდერი, ელენე ხოშტარია ევროპარლამენტის მიერ საქართველოს შესახებ ცოტა ხნის წინ მიღებულ რეზოლუციას ეხმაურება.
„ევროპარლამენტმა მიიღო ორწლიანი შეფასების უმნიშვნელოვანესი დოკუმენტი და ვერდიქტი დაუსვა როგორც „ქართულ ოცნებას“, ასევე უდიდესი მხარდაჭერა და პრაქტიკულად, უდიდესი პატივისცემა გამოხატა ყველა იმ პოზიციის, შეგრძნების, აზრის მიმართ, რომელიც ისმის რუსთაველზე და ჩვენ ამ დიდ პროევროპულ, პროქართულ ბრძოლაში. აქვე, ამ რეზოლუციაში საუბარია კონკრეტულ სადამსჯელო გადაწყვეტილებებზე, საკმაოდ მტკივნეულზე, „ქართული ოცნების“ მიმართ და ევროპა გამოხატავს მზაობას მოქმედებისთვის.
ამიტომ, ეს არის ნამდვილად ძალიან დიდი გამარჯვება ჩვენი პროდასავლური, ჩვენი პროქართული, საერთო ეროვნული ბრძოლის და ყველა ადამიანი, რომელიც იბრძვის, იქნება დღეს ციხეში და საკნიდან გვიყურებს, თუ რუსთაველზე, თუ ნებისმიერ ადგილას, სასამართლოს ეზოში – უნდა იცოდეს, რომ ყველა თქვენს მოქმედებას აქვს უდიდესი აზრი, იმიტომ რომ ის ესმის მსოფლიოში, ევროპაში ყველაზე ძლიერ სახელმწიფოთა წარმომადგენლებს“, – განაცხადა ხოშტარიამ.
ევროპარლამენტის მიერ მიღებულ დღევანდელ რეზოლუციას გაეცანით ბმულზე