გუშინ კიდევ ერთ უბედურ შემთხვევას გადარჩა თბილისი. ვაკის პარკში, დაცლილ შადრევანში ბავშვი ველოსიპედით გადავარდა, – წერს “გახარია-საქართველოსთვის” წევრი, ტატა ხვედელიანი სოციალურ ქსელში.
ტატა ხვედელიანის თქმით, ბავშვი გადარჩა.
“გუშინ კიდევ ერთ უბედურ შემთხვევას გადარჩა თბილისი.
ვაკის პარკში, დაცლილ შადრევანში ბავშვი ველოსიპედით გადავარდა. საბედნიეროდ გადარჩა, და იმედი მაქვს, კარგად იქნება.
ეს შემთხვევა კიდევ ერთხელ ადასტურებს ერთს – თბილისი უსაფრთხო ქალაქი არ არის.
როცა შადრევანი აღარაა ფუნქციური, იმ ტრაგედიის ადგილზე, რომელმაც სისტემური კორუფციისა და უპასუხისმგებლობის გამო ანგელოზივით ბავშვი იმსხვერპლა, ელემენტარული უსაფრთხოების ნიშნებიც კი არ არის დამონტაჟებული.
დაუცველები ვართ ყოველ ნაბიჯზე.
სისტემური კორუფცია, უპასუხისმგებლობა, გულგრილობა და საჯარო სივრცეების უსაფრთხოების სრული იგნორირება არის მოცემულობა, რომელიც “ოცნების” მერიამ დაამკვიდრა ჩვენს თბილისში.” – წერს ტატა ხვედელიანი სოციალურ ქსელში.