“არ მინდა 2021 წლის დეკემბერი იყოს საქართველოს განადგურების თვე, ჯერ კიდევ გვაქვს საშუალება რომ მივიღოთ სწორი გადაწყვეტილება! საქართველოში დაიწყო კოვიდის მე-5 ტალღა და დაიწყო სამოქალაქო ომი! – ამის შესახებ აკრედიტაცია საზღვრების გარეშე” პრეზიდენტი, პროფესორი გიორგი ფხაკაძე “ფეისბუქის” პირად გვერდზე წერს.
“დღეს საქართველო დამარცხებულია!
დღეს 77 საქართველოს მოქალაქე დაკარგა სიცოცხლე და ამ დროს რა ხდება ქვეყანაში!
ხელისუფლების რეაქცია – 0
ოპოზიციის რეაქცია – 0
ხალხის უმრავლესობის რეაქცია – 0
ყველა არის გახლეჩილი, სად არის ერთობა?
ამას ჰქვია სამოქალაქო ომი!
დიახ, საქართველოში დაიწყო კოვიდის მე-5 ტალღა და დაიწყო სამოქალაქო ომი!
კიდევ თუ არის საღი აზრი დარჩენილი სადმე, გთხოვთ, დაფიქრდეთ!
მართლა არ მინდა 2021 წლის დეკემბერი იყოს საქართველოს განადგურების თვე, ჯერ კიდევ გვაქვს საშუალება რომ მივიღოთ სწორი გადაწყვეტილება!
მე არ ვარ პოლიტიკოსი, მაგრამ პოლიტიკა ეჩრება ჯანდაცვაში… გთხოვთ, დავაყენოთ პრიორიტეტად ჩვენი მოქალაქეების ჯანმრთელობა და ყველა სხვა საკითხები გადავიტანოთ მე-2 ადგილას!
გავხადოთ ჯანდაცვა აპოლიტიკური! მივიღოთ აპოლიტიკური გადაწყვეტილებები ჯანდაცვაში!
მცირე შანსი კიდევ გვაქვს, არ გაუშვათ ეს შანსი…
გადავიდეთ ერთ ყველაზე ეფექტურ ვაქცინაზე მსოფლიოში და ავცრათ მოსახლეობის 90%!
გამოვიყენოთ მხოლოდ სამედიცინო პირბადე ყველგან!
დავიცვათ დისტანცია!” – წერს ფხაკაძე სოციალურ ქსელში.
ცნობისთვის, საქართველოში ბოლო 24 საათში კორონავირუსის 4 563 შემთხვევა დაფიქსირდა. გარდაიცვალა 77 ადამიანი.
ინფექციისგან განიკურნა 4 744 პაციენტი.
დღიურად ჩატარებული ტესტირების რაოდენობა – 49 334.
კორონავირუსის აქტიურ შემთხვევათა რაოდენობა ამ ეტაპზე 55 304-ია.
გუშინ კორონავირუსის საწინააღმდეგო ვაქცინით 6 356 ადამიანი აიცრა.