მიხეილ ყაველაშვილმა რამდენიმე დღის წინ სოციალურ ქსელში მიმართვა გამოქვეყნა, სადაც ის პოლიტიკოსებს მოუწოდებდა, მიმართონ შეწყალების შესახებ განცხადებით და დაადასტურონ საკუთარი სურვილი არჩევნებში მონაწილეობის შესახებ, რის შემთხვევაშიც დაუყოვნებლივ გამოსცემს აქტს მათი შეწყალების თაობაზე.
ამის შესახებ დღეს, შალვა პაპუაშვილმა ჟურნალისტებთან ისაუბრა და განაცხადა, რომ მიხეილ ყაველაშვილის ზემოხსენებული შეთავაზება მიხეილ სააკაშვილზე არ ვრცელდება, რადგან ის უკრაინის მოქალაქეა.
„არა, უკრაინის მოქალაქეების მიმართ ეს შეთავაზება, რა თქმა უნდა, არ მოქმედებს! უკრაინას ის ცოდვაც ეყოფა, დღეს მისი პოლიტიკური ელიტა როგორც მტრობს ქართველ ხალხს. უკრაინის პოლიტიკურ ელიტას ეს ცოდვაც ეყოფა. მისი მოქალაქე, რომ არჩევნებში ჩაერთოს ეს დაუშვებელია. რაც შეეხება მის პარტიას, განაცხადოს მისმა პარტიამ უნდა არჩევნებში მონაწილეობა თუ არა. წინ არის ყველაფერი, არანაირ კავშირში ეს მიხეილ სააკაშვილის შეწყალებასთან არ არის.” – განაცხადა შალვა პაპუაშვილმა.