საქართველოს ყოფილი პირველი ლედი სანდრა რულოვსი გიული ალასანიას დაბადების დღეს ულოცავს და წერს, რომ როდესაც რთულ სიტუაციაში მასზე, როგორც დედაზე ფიქრობს, ხშირად ეტირება.
ამასთა, რულოვსმა იუბილარს უსურვა, რომ მიხეილ სააკაშვილის გადაყვანა მულტიპროფილურ სამოქალაქო კლინიკაში, მისი დაბადების დღის საჩუქარი ყოფილიყოს.
“ხვალ ჩემი დედამთილის, გიული ალასანიას დაბადების დღეა. მეტირება როდესაც ვფიქრობ მის განცდებზე: ერთადერთი შვილი უდანაშაულოდ ზის ციხეში და ელემენტარული უფლებებისთვის იბრძვის: სიცოცხლის და ჯანმრთელობის უფლება!
ხვალ ასევე ჩვენი ოჯახის დიდი მეგობრის, გელა ჩარკვიანის დაკრძალვაზე მისვლას აპირებს, რაც ასევე უმძიმეს გულისტკივილს წარმოადგენს.
გიული უძლიერესი ქალია და ძალიან ბევრი რამ ძალიან ღირსეულად გადაიტანა. ამ ბოლო დროს ის მე მაწყნარებს როცა მიჭირს: შენც ჩემი შვილი ხარ, სანდრა, გაძლიერდი!
გილოცავ გიული, სულით და გულით! მიშას გადაყვანა მულტიპროფილურ სამოქალაქო კლინიკაში შენი დაბადების დღის საჩუქარი ყოფილიყოს!”, – წერს რულოვსი სოციალურ ქსელში.