აშშ-ის პრეზიდენტის, დონალდ ტრამპის ცნობით, სავარაუდოდ, 24 საათში გახდება ცნობილი, დათანხმდა თუ არა „ჰამასი“ ღაზაში ისრაელ-ჰამასის ცეცხლის შეწყვეტის შესახებ საბოლოო წინადადების მიღებას.
„ვნახოთ, რა მოხდება, უახლოესი 24 საათის განმავლობაში გავიგებთ“, – ასე უპასუხა ტრამპმა აღნიშნულ საკითხზე ჟურნალისტის მიერ დასმულ კითხვას.
როგორც „როიტერი“ ანონიმურ წყაროზე დაყრდნობით წერს, წინადადება მოიცავს ათი ცოცხალი ისრაელელი მძევლის ეტაპობრივ გათავისუფლებას და კიდევ 18 ცხედრის დაბრუნებას ისრაელის ციხეებში მყოფი პალესტინელი პატიმრების სანაცვლოდ.