„დღეს, ერთპარტიული რეჟიმის სახით მოქმედმა „ქართულმა ოცნებამ“ ერთხმად მისცა ხმა პარტია „საქართველოსთვის“ 12-ვე მანდატის გაუქმებას“, – ამის შესახებ „გახარია-საქართველოსთვის“ ლიდერი, გიორგი გახარია პლატფორმა X-ზე წერს.
გახარიას თქმით, პოლიტიკური ბოიკოტი კონსტიტუციური უფლებაა, რომელიც პარტიამ პასუხისმგებლობით გამოიყენა 2024 წლის გაყალბებული არჩევნების შემდეგ.
„დღეს, ერთპარტიული რეჟიმის სახით მოქმედმა „ქართულმა ოცნებამ“ ერთხმად მისცა ხმა პარტია „საქართველოსთვის“ 12-ვე მანდატის გაუქმებას. ჩვენ ეს ადრეც გვინახავს, კრემლის სახელმძღვანელოდან ამოხეული ფურცელი: იმუნიტეტის მოხსნა, სისხლის სამართლის ბრალდებების გამოგონება და პოლიტიკური ალტერნატივების აღმოფხვრა.
პოლიტიკური ბოიკოტი კონსტიტუციური უფლებაა, რომელიც ჩვენ პასუხისმგებლობით გამოვიყენეთ 2024 წლის გაყალბებული არჩევნების შემდეგ, უარი ვთქვით მიტაცებულ საკანონმდებლო ორგანოში შესვლაზე, მაგრამ არ დავთმეთ ჩვენი ხალხის მანდატი.
მანდატების ჩამორთმევა არასდროს ყოფილა პროცედურასთან დაკავშირებული, ეს იყო პოლიტიკურად მოტივირებული სისხლისსამართლებრივი დევნისთვის გზის გახსნა, იმუნიტეტის გაუქმება შეთითხნილი ბრალდებების წინ და მთავარი პოლიტიკური საფრთხის აღმოფხვრა მუნიციპალური არჩევნების წინ“, – დაწერა გახარიამ სოციალურ ქსელში.
შეგახსენებთ, „ქართული ოცნების“ დღევანდელი გადაწყვეტილებით, „გახარია საქართველოსთვის“ წევრებს სადეპუტატო უფლებამოსილება შეუწყდათ.