„ცეცხლის შეწყვეტას დავთანხმდებით, თუკი…“ – რა პირობას აყენებს „ჰამასი“?

„ჰამასის“ პრესსპიკერის, ტაჰერ ალ-ნუნუს ცნობით, „ჰამასი“ მზადაა ისრაელთან ცეცხლის შეწყვეტის შეთანხმებისთვის იმ შემთხვევაში, თუ ეს ღაზაში ომის დასრულებას გამოიწვევს.

„მზად და სერიოზულები ვართ შეთანხმების მიღწევის საკითხში. მზად ვართ მივიღოთ ნებისმიერი ინიციატივა, რომელიც აშკარად ომის სრულ დასრულებამდე მიგვიყვანს“, – განაცხადა მან.

შეგახსენებთ, აშშ-ის პრეზიდენტმა, დონალდ ტრამპმა რამდენიმე საათის წინ განაცხადა, რომ ისრაელი ღაზაში ცეცხლის 60-დღიანი შეწყვეტის შეთანხმების პირობებს დასთანხმდა.