„არმენპრესის“ ინფორმაციით, სომხეთის რესპუბლიკის ეროვნული ასამბლეის თავმჯდომარემ, ალენ სიმონიანმა ბრიფინგზე განაცხადა, რომ „საჭიროა სერიოზულად იყოს განხილული რუსეთის ტელეარხების მაუწყებლობის შეწყვეტის საკითხი სომხეთის ტერიტორიაზე.“
„ძალიან სერიოზულად უნდა განვიხილოთ რუსეთის ტელეარხების მაუწყებლობის შეწყვეტის საკითხი სომხეთის რესპუბლიკის ტერიტორიაზე“, – თქვა სიმონიანმა.
მისივე თქმით, მისი აზრით, რუსეთის ზოგიერთი გადაცემა ზიანს აყენებს სომხეთ-რუსეთის ურთიერთობებს.
„ჩვენ გვქონდა რუსეთის ფედერაციის ფედერაციის საბჭოს თავმჯდომარის ვალენტინა მატვიენკოსა და სხვა მაღალჩინოსნების ძალიან კარგი ვიზიტები, და ახლა ვიღაც პირები, შესაძლოა სამველ კარაპეტიანის დაფინანსებით, ცდილობენ მისი დაცვა უზრუნველყონ. ნუ ჩაერევიან ჩვენს საშინაო საქმეებში…
თუ არსებობენ არხები, რომლებიც საკუთარ თავს უფლებას აძლევენ ჩაერიონ სომხეთის რესპუბლიკის საშინაო საქმეებში, ალბათ ჩვენც იმავე ფორმით უნდა ვუპასუხოთ, სულ მცირე, ავკრძალოთ მათ წვდომა ჩვენი საზოგადოების სახლებში“, – აღნიშნა სიმონიანმა.