პროდიუსერი და ტელეწამყვანი ნოე სულაბერიძე “ფეისბუქის” პირად გვერდზე საზოგადოებაში არსებული აგრესიისა და სიძულვილის შესახებ პოსტს აქვეყნებს.
ამასთან, სულაბერიძე იმასაც აღნიშნავს, რომ ტელეკომპანია “იმედში” მუშაობა მისთვის საამაყოა და არხისთვის შექმნილი პროდუქტების გამო არასდროს შერცხვება.
“ცხოვრებაში არანაირი ძალადობა, არავის ბულინგი და არც არავის დაპატიმრება გამხარებია, მითუმეტეს არ გამხარებია წამება, რისი ფაქტებიც სამწუხაროდ არაერთია ჩვენს უახლეს ისტორიაში, რაც ვერ წაიშლება.
ყოველთვის ვცდილობ თავი ავარიდო პოლიტიკურ სტატუსებსა და პოზიციებს არა იმიტომ, რომ თავშეკავება მომგებიანია (ვინც მიცნობს, ყველამ კარგად იცის ჩემი საკმაოდ ემოციური გამოხატვის ფორმები), არამედ მიუხედავად იმისა, რომ ყოველთვის ,,სხვა სხვის ომში ბრძენია”, მაინც მგონია, რომ პური მეპურემ უნდა გამოაცხოს და არა ფილოსოფოსმა, თან ცხობის პროცესი განუწყვეტლივ უნდა მიდიოდეს. არასდროს შემრცხვება ჩემთვის მშობლიური “ტელეკომპანია” იმედის ეთერში გასული რომელიმე სატელევიზიო პროდუქტის, რაც გამიკეთებია. აქ მუშაობა ჩემთვის ყოველთვის იყო საამაყო და დღესაც ასეა.
მთელი დღეა ფიდზე ერთ სუპეროპტიმისტურ ბანერს ვაწყდები წარწერით – ,,მოვა დრო და ეს სიძულვილი სამარცხვინო გახდება”… რაც თავი მახსოვს ეს სიძულვილი არითმეტიკული პროგრესიით მატულობს და იმასაც ვხედავ თავი რამდენმა დაკარგა…
ხოდა, რასაც ეს დღეებია ვკითხულობ, სამწუხარო ამბავი მინდა გითხრათ… მინდა გითხრათ, რომ დრო, როდესაც სიძულვისი სამარცხვინო გახდება აღარ დადგება… ამ სტატუსის ქვეშაც წამოვა… ღმერთმა ქნას ვცდებოდე”, – წერს სულაბერიძე სოციალურ ქსელში.