“მთავარი არხის” დირექტორმა ნიკა გვარამიამ “ფეისბუქის” პირად გვერდზე, მსახიობისა და შოუმენის დემეტრე (დუტა) სხირტლაძესთან დაკავშირებით ირონიის შემცველი პოსტი გამოაქვეყნა. გვარამიას უკმაყოფილება გამოიწვია იმ ფაქტმა, რომ გუშინ ღამით განვითარებული მოვლენების ფონზე, სხირტლაძე ტელეკომპანია “იმედის” ეთერში “ცეკვავენ ვარსკვლავებს” უძღვებოდა.
“გაიცანით, დუტა სხირტლაძე.
2021 წლის 8 ნოემბერი – ტვ – “იმედზე” მიყავს “ცეკვავენ ვარსკვლავები”.
2007 წლის 8 ნოემბერი – “რუსთავი 2” -ზე მიყავდა “ჯეოსტარი”.
ის იგივეა, მარად და მარად”, – დაწერა გვარამიამ “ფეისბუქზე” და დაურთო ფოტო.
ნიკა გვარამიას პოსტმა სოციალური ქსელის მომხმარებელში არაერთგვაროვანი შეფასებები გამოიწვია, ზოგიერთმა მათგანმა “მთავარი არხის” დირექტორს პოზიცია დაუწუნა, ზოგმაც დუტა სხირტლაძეს შეურცმხყოფელი და სარკასტული კომენტარები მიუძღვნა.
აღნიშნულის საპასუხოდ მსახიობმა ნანკა კალატოზიშვილმა გვარამიას მიერ Facebook-ზე გამოქვეყნებული სტატუსის კომენტარებში დაწერა:
“გავიცანი და ვიცნობ დიდი ხანია, იმდენად კარგად, რომ ვიცი როგორ უყვარს ქვეყანა, ბევრისგან განსხვავებით! დუტას ბულინგისთვის რომ გცალიათ ეხლა, უკვე ძალიან კარგად ხართ!!!,” – დაწერა კალატოზიშვილმა სოციალურ ქსელში.