“საშინელებაა, რასაც ისრაელში ბიბი ნეთანიაჰუს უკეთებენ” – აშშ-ის პრეზიდენტი დონალდ ტრამპი ისრაელის პროკურორებს ქვეყნის პრემიერ-მინისტრის, ბენიამინ ნეთანიაჰუს წინააღმდეგ წაყენებული ბრალდებების გამო აკრიტიკებს.
“საშინელებაა, რასაც ისრაელში ბიბი ნეთანიაჰუს უკეთებენ. ის ომის გმირი და პრემიერ-მინისტრია, რომელმაც ფანტასტიკური სამუშაო გასწია შეერთებულ შტატებთან თანამშრომლობით, ირანში საშიში ბირთვული საფრთხის აღმოფხვრაში დიდი წარმატება მოიტანა. მნიშვნელოვანია, რომ ის ახლა „ჰამასთან“ მოლაპარაკებების პროცესშია, რაც მძევლების დაბრუნებასაც მოიცავს. როგორ არის შესაძლებელი, რომ ისრაელის პრემიერ-მინისტრი მთელი დღე სასამართლო დარბაზში იჯდეს არაფრის გამო. ეს პოლიტიკური კუდიანებზე ნადირობაა, ძალიან ჰგავს კუდიანებზე ნადირობას, რისი ატანა მეც მომიწია. „სამართლიანობის“ ეს ფარსი ხელს შეუშლის როგორც ირანთან, ასევე „ჰამასთან“ მოლაპარაკებებს. სხვა სიტყვებით რომ ვთქვათ, სიგიჟეა იმის კეთება, რასაც კონტროლიდან გასული პროკურორები ბიბი ნეთანიაჰუს უკეთებენ. ამერიკის შეერთებული შტატები წელიწადში მილიარდობით დოლარს ხარჯავს, გაცილებით მეტს, ვიდრე ნებისმიერ სხვა ქვეყანაზე, ისრაელის დასაცავად და მხარდასაჭერად. ჩვენ ამას არ შევეგუებით. ჩვენ ახლახან დიდი გამარჯვება მოვიპოვეთ და ეს მნიშვნელოვნად აზიანებს ჩვენს გამარჯვებას. გაუშვით ბიბი, მას დიდი სამუშაო აქვს გასაკეთებელი“, – წერს ტრამპი.