ირანის საგარეო საქმეთა მინისტრი, აბას არაღჩი ირანის სულიერ ლიდერთან, აიათოლა ალი ხამენეისთან დაკავშირებით, აშშ-ის პრეზიდენტის, დონალდ ტრამპის მიერ გაკეთებულ განცხადებას გამოეხმაურა.
„თუ პრეზიდენტ ტრამპს გულწრფელად სურს შეთანხმების მიღწევა, მაშინ მან ირანის უზენაესი ლიდერის, აიათოლა ხამენეის მიმართ უპატივცემულო და მიუღებელი ტონით საუბარი უნდა შეწყვიტოს“, – თქვა არაღჩიმ.
ამასთან, ირანის საგარეო უწყების ხელმძღვანელმა აღნიშნა: „ირანელმა ხალხმა მსოფლიოს აჩვენა, რომ ისრაელის რეჟიმს სხვა არჩევანი არ ჰქონდა გარდა იმისა, რომ „მამიკოსთან“ გაქცეულიყო.“
შეგახსენებთ, ტრამპმა Truth Social-ზე დაწერა, რომ ირანის სულიერი ლიდერი, აიათოლა ალი ხამენეი სიკვდილს გადაარჩინა.