„ქართული ოცნების“ წევრი, გია ვოლსკი „ნაციონალური მოძრაობის“ ყოფილი საპარლამენტო დეპუტატის, გივი თარგამაძის დაპატიმრებას გამოეხმაურა.
„გივი თარგამაძე ყოველთვის სადისტური ხელისუფლების ერთ-ერთი მნიშვნელოვანი შემადგენელი ნაწილი იყო. როცა ეუბნებიან, რომ უნდა მოვიდეს, გამოიკითხოს და კითხვებს პასუხები გასცეს, თავს არიდებს. რითი ამაყობს, ვერ გავიგე. მერე რა, ჰააგაში ჩვენება მისცა, აბა რა უნდა ექნა? ისე ამბობს, გეგონება, დაძლია და დაუპირისპირდა რუსეთს, გადაუარა და გადაჯეგა.
რუსეთს ყველა საშუალება მისცა, მათ შორის, გივი თარგამაძემ იმ ტუტუცური განცხადებებით, რაც გააკეთა და იმდენი იჩალიჩა, რომ მისი განცხადება გაეროს გენერალური მდივნის მოხსენებაში მოხვდა“, – აღნიშნა ვოლსკიმ.
შეგახსენებთ, დაკავებამდე გივი თარგამაძემ გამოაქვეყნა პოსტი, სადაც წერდა: „ომის გამოძიებისას ჰააგამ ჩემი ჩვენების საფუძველზე გასცა დაკავების 5 ორდერი.“
გივი თარგამაძე დღეს, საგამოძიებო კომისიის მოთხოვნის დაუკმაყოფილებლობის მოტივით, 7 თვით დააკავეს.
თარგამაძემ კომისიაზე გამოუცხადებლობის გამო დაკისრებული გირაო გადაიხადა, თუმცა კომისიაზე მისვლაზე უარი განაცხადა.