ქვეყანაში არსებული ეპიდემიოლოგიური ვითარების ფონზე, საპროტესტო აქციების გამართვას ბოჭორიშვილის კლინიკის ხელმძღვანელი დავით გადელია “ფეიბუქის” პირად გვერდზე ეხმაურება:
„ცუდი არჩევანია..
ამ მძიმე პანდემიის ჟამს, ჩემი ქვეყნის მოსახლეობამ, ვაქცინაციას და რეგულაციებს ხალხმრავალი მიტინგები არჩია… შედეგიც სამწუხაროდ არ დააყოვნებს! ვირუსმა დანდობა, შებრალება არ იცის. სხვათაშორის, არც იმას არჩევს, ვისი მიტინგია უფრო სამართლიანი! რა ქნას, ერთი დნმ-ის სპირალია სულ, როგორ გაარკვიოს?! ვისაც უფალმა რუხი ნივთიერებით სავსე ნახევარსფეროები მისცა – ისინიც ვერ გარკვეულან და ვირუსს როგორ გინდა მოსთხოვო მტყუან-მართლის გარჩევა..
ნუთუ, ადრეც, საუკუნეების განმავლობაშიც ასეთი გულარხეინები ვიყავით? ნუთუ, არ გვქონდა არასდროს განსაცდელის შეგრძნება და ვერ ვალაგებდით პრიორიტეტებს?!. როგორ მოვაღწიეთ აქამდე??“, – წერს გადელია სოციალურ ქსელში.
საქართველოში კორონავირუსის 2 191 ახალი შემთხვევა დადასტურდა. შემთხვევების საერთო რაოდენობამ 755 046 შეადგინა.
კორონავირუსისგან გარდაიცვალა 74 ადამიანი. გარდაცვლილთა რაოდენობამ 10 509 მიაღწია.
გამოჯანმრთელდა 4 348 პაციენტი. კორონავირუსისგან ამ ეტაპზე განკურნებულია 693 129 ადამიანი.
გუშინ ჩატარებული ტესტირების რაოდეობა 21 477-ია.
რაც შეეხება აცრას, ბოლო 24საათში 1 204 ადამიანი აიცრა.
დადებითობის მაჩვენებელი: დღიური – 10,2%, ბოლო 14 დღის – 9,64%, ბოლო 7 დღის – 10,41%
https://mix.metronome.ge/%e1%83%91%e1%83%9d%e1%83%9a%e1%83%9d%e1%83%9b%e1%83%93%e1%83%94-%e1%83%ac%e1%83%90%e1%83%98%e1%83%99%e1%83%98%e1%83%97%e1%83%ae%e1%83%94%e1%83%97/